Kaalmo dhaqaalo oo ay soo direyn jaaliyadaha ku nool dalka Mareykanka ayaa maanta loo qeybiyey waayeelo aan ubad laheyn ee ku kala nool xaafadaha Xamar jajab ilaa iyo Buule Eelaay ee magaalada Muqdisho.
Waxaa farax weyn inoo ah inaan ogaano xaaladaha ay ku sugan yihiin waayeelo aan owlaad laheyn, waxaase wanaag iyo amaan xag Illaah uga timid iskaleh dadkii gacanta ka geystey dhaqaalo siinta waayeeladaasi.dhab ahaantii waxaa dareemi kara qofkii dul istaaga sawirada aad aragtaan dadka ka muuqda, waa waayeel Allxamdulilaah aan xoog laheyn, waxayse ku nool yihiin aqalo yar yar kuwaasoo ay ku dahaaran yihiin amaa derbi u ah baakado iyo maryo dhamaad ah,
Intii aan mid mid aqalkooda u tagaayey waayeeladaasi waxaa niyada iga gashay tallow yaa ku siiyo dhaqaalo buuraan oo aad dhibanayaalkaani isugu keento hal goob ka dibna aad ku ogaato xaaladahooda nololeed. Ileyn waa kuwo keli ah ee aan heysan wehel ogaado noloshooda, Waxaan aad uga calool xumaadey Macey Muumin Yalaxow oo markii aan aqalka gurigeeda galaayey aan ku arkey Haan biyo ay ku jiraan iyadoo ay biyo ka shubaneyso, awood sidaa u buuran malaha oo ma kari karto balse dantu unbaa bidey, markii aan soo ak istaagey ileyn arag wanaagsan malaha oo aan u sheegay inaan ahay Yaasmin ayay iska ooyday sidii ilmo yar oo ay waalidkood ka maqnaayen in mudo ah, ka dibna intay dhabanka iga qabatey ooysayna igu tiri Yaamiin hooyo macaan anigoo kaligey ah ayaan qolka ku dhex kufey cidina ima ogeyn, xanuunkii markuu I daayey ayaan iska soo istaagey. maansha alaah, dhab ahaantii hadalkaasi aad ayuu ii calool xumeeyey waase ilaah mahadiisa.
Dhamaan midba mid kale waxaan kala kulmaayey calool xumo, dareenkooda iyo farxadoodana maahan mid aan qoraal idinku soo koobi karaayo, balse walaalayaal waxaad ogaataan dhaqaalaha dhan 11$ oo qoyskiiba aan u qeybiyey waxay ka dabooli kartaa cunooyin dhan ilaa iyo 3 maalmood ilaa iyo 4 maalmood, Dhamaan qoysaskaan u qeybiyey dhaqaalaha waxay ahaayeen 9 qoys midkiiba waxaa gaarey $11. $11 ee la dhiibtaa waa ay fududahay waa qofkuu ilaah ka soo qaadee, laakiin waxay wax aad u weyn oo markaad siiso farxad weyn u tahay waayeelo sida. Faadumo C/llaahi Xaaji, Sheekh C/raxmaan Cismaan, Ayzitey Maye iyo seygeeda Xaaji Cali, Faadumo Sheekh Haaruun, Abshiro Rooble Faarax, Zitey Maxamed Abuukar Maana Maxamed Abuukar, Macey Muumin Yalaxow iyo Xaliimo Yuusuf Xasan.Dhamaan dadkaas oo ah dadka ugu liita bulshada, qeyrka iyo xasanaadkana waxaynu oran karnaa waa kuwa laga helo, waxaa gaarey dhaqaalihii la soo direy ee ahaa $100, waxaase hubaal ah maalin aan maanta aheyn inaad ku aflixi doontaan ee walaalayaal aynu il gaar ah ku eegno dadkeena dhiban haddana inoo baahan. Somali Women And Children Rescue Org (SWACRO)-na waxay idiin balan qaadeynsaa inay gaarsiiso kaalmadiina dadkii aad la niyootaan, iyadoo idiin soo bandhigi doonto sawiro dhab ah iyo qoraal beenta ka fog.
|
